ബോണ്‍ റ്റു ബീ വൈൽഡ് | Born to be Wild
ഒറാങ്ങുട്ടാനുകളെക്കുറിച്ചുള്ള പഠനവും അവയുടെ സംരക്ഷണവുമാണ് ബിറുത്തെ ഗാൽഡികാസിനെ ശ്രദ്ധേയയാക്കിയത്. കഴിഞ്ഞ നാലു പതിറ്റാണ്ടായി അവര്‍ ഈ രംഗത്ത് പ്രവർത്തിക്കുന്നു. ഒരു സസ്തനിയിൽ നടത്തപ്പെട്ടിട്ടുള്ള ഏറ്റവും ബൃഹത്തായതും, ദൈർഘ്യമേറിയതുമായ പഠനമായാണ് ഇതിനെ കണക്കാക്കുന്നത്. തന്റെ എഴുപതാം വയസ്സിലും കർമ്മനിരതയാണ് ഇവർ.
ഡാഫ്‌നി ഷെൽഡ്രിക്ക് എന്ന എണ്‍പതുകാരിയെയും ചിത്രം നമുക്ക് പരിചയപ്പെടുത്തിത്തരുന്നു. ഡാഫ്‌നിയും ഭര്‍ത്താവായ ഡേവിഡും ചേര്‍ന്ന് 1960ൽ വന്യമൃഗങ്ങളെ സംരക്ഷിക്കാനായി ‘നാഷണല്‍ പാര്‍ക്ക്’ സ്ഥാപിക്കുകയുണ്ടായി. 9000 സ്ക്വയര്‍ കിലോമീറ്ററോളം പരന്നു കിടക്കുന്ന ഈ നാഷല്‍ പാര്‍ക്ക് അവരുടെ ഭർത്താവിന്റെ മരണശേഷം ‘ഡേവിഡ് ഷെൽഡ്രിക്ക് വെൽഫെയർ ട്രസ്റ്റ്’ എന്ന് നാമകരണം ചെയ്യപ്പെട്ടു. ഒറ്റപ്പെട്ടുപോകുന്ന ആനക്കുട്ടികളെ കണ്ടെത്തുകയും, അവയെ പരിചരിക്കുകയും, ഒറ്റയ്ക്ക് ജീവിക്കാനുള്ള പ്രായമാവുമ്പോൾ അവയെ തിരികെ കാട്ടിലേക്കയക്കുകയുമാണ് കെനിയയിലെ നെയ്റോബിയിൽ ഉള്ള ഈ പാർക്കിൽ ഇപ്പോൾ പ്രധാനമായും നടക്കുന്നത്.
ഡേവിഡ് ലിക്ക്ലി സംവിധാനം ചെയ്ത ഈ ഡോക്യുമെന്ററി ഫിലിം നിർമ്മിച്ചത് ഡ്ര്യൂ ഫെൽമാൻ ആണ്. പ്രശസ്ത ഹോളിവുഡ് സംവിധായകനായ ‘മോർഗൻ ഫ്രീമാ’ന്റെ നരേഷനിലൂടെയാണ് ഡോക്യുമെന്ററി മുന്നോട്ട് പോകുന്നത്.
